सावली आहे मी तुझी

आज उन्मळुन पडलो वादळात मी,

तुझ्या अंगणी होतो पारीजात मी...

तूझे येणे येता येता राहुन गेले,

होतो त्या वळणावर वाट पहात मी...

पालविच्या स्वप्नांवरती जगलो तरीही,

झडतच गेलो प्रत्येक वसंतात मी...

कट्यांनी निदान नाती जपली असती,

उगाच गुंतलो होतो पाकळ्यात मी..

निखा-याची धग आता जाणवत नाही,

इतके दिवस होतोच की वणव्यात मी...

सावली आहे मी तुझी, म्हणाली होतीस...

म्हणुन आयुष्यभर राहीलो उन्हात मी...